One Time In Ilocos

"Kapag ang tao nadapa, huwag mong tapakan! Tulungan mo!"

"At sinong eng naman ang nagsabi niyan?" sabat ni Ayumi

Kakatapos ko lang maligo. Basa pa ang tsinelas na gamit ko kaya ako nadulas pagkalabas ng CR. Yes, medyo nakakalakad na ako. Di ko na rin masyadong ginagamit yung saklay ko.

"Huwag na huwag mo ngang matawag na eng si Miss Ai-ai!"

"Talagang may Miss?" sabat ni Mama.

"E ser, wala naman kasing umaapak sa nadarapa e. Either tinutulungang makabangon yun or tinatawanan lang yan."

"Huwag ka nga! Ang sama mong tao! Matakot ka nga sa five-letter word!"

"B-A-K-L-A?"

"KARMA! Buang ka talaga!"

"Sorry na!" seryosong sabi niya habang naglalagay ng Pond's sa mukha.

"Wow, ang letch naman ng fez mu!"

"Thank you, ser! I know, right?"

Pumunta ako sa kuwarto para magbihis. Tapos na ang therapy ko kaya ineenjoy na lang namin ang mga huling araw namin sa Ilocos. Rarampage kami nila Mama, Tito Frank, at Ayumi sa dalampasigan.

Tok tok tok!

"Teka lang muna Ayumi huwag ka munang pumasok?"

"Bakit ser? Umutot ka ba?"

"Nagbibihis ako!"

Masyadong pasakit ang pagbihis ng pants lalo na nung naka-cast pa ang kaliwang paa ko kaya matagal ako sa kuwarto. Share kasi kami ni Ayumi sa room at pag ako ang nagbihis e matagal talaga. At kung pwede lang sana mag-skirt e ginamit ko na yung mga bonggang skirt ni Mama. Kaso magmumukha daw akong either bagong tuli or drag queen.

"Or bagong tuling drag queen!" dagdag ni Ayumi.

"Mega Laswa!" sabat ni Mama na pilit nagge-gay lingo.

Kumuha kami ng maliit na shed para mapagsilungan. Nakatunganga ako sa dagat. Si Ayumi nagpeprepare ng pagkain at sila mama e naglalakad-lakad.

"Ser, inoobserbahan mo 'yung lalaking moreno na naka blue shorts at topless ano?"

"Ano ka ba? Nagseself-reflect ako." Then pasimple kong hinanap yung dinescribe niyang guy.

Hindi naman siya masyadong singkit. Pero sobrang cute niyang ngumiti. Very lean ang katawan.

"Mahal ko na siya, Ayumi."

Parang nawala ang lahat ng sakit sa katawan ko nang magtagpo ang mga mata namin. Nung guy, hindi si Ayumi. Hanggang tinginan lang yun. Pero nakaramdam ako ng something. Mahigit isang buwan na din akong walang jer or something like that.

"Nagpipigil ka pa ser, lapitan mo na!"

"Huwag ka nga! Faithful ako!"

"Huwaaaat? KANINO?" malakas na tanong ni Ayumi na nakataas ng bonggang-bongga ang dalawang kilay. Feeling ko nag-echo pa 'yun.

Napa-isip ako ng malalim. Meron nga bang naghihintay sa akin pagbalik ko ng Baguio? Pakiramdam ko ay committed ako pero come to think of it, I'm single!

Naalala ko ang sinabi ni Tikoi.

"The best thing about being single is pwede ka nang magpakahaliparot!"

Hindi ko alam kung matutuwa ba ako dahil libre ako or malulungkot dahil walang naghihintay sa akin na makayakap. At ka-jer na rin.

Tumayo ako at iika-ikang pumunta sa shed. Nakatingin sila Mama at Tito Frank at tumatawa. Nagtaka ako then lumingon ako. Ginagaya pala ako ni Ayumi ng paglakad.

"Langya ka Ayumi! Letch ka!"

Pagkatapos namin maglunch e nagswimming sila Mama at Tito Frank, kami naman ni Ayumi e nasa shed lang at nanlalait ng mga naglalakad na tao.

"Ser, sino namimiss mo sa Baguio?"

"Friends."

"And?"

"Other friends."

"Walang patutunguhan 'to. I mean someone you love?"

"I don't wanna talk about it right now."

"Ok fine."

"Pero 'lam mo nalilito ako."

"Hanggang ngayon ba naman nalilito ka pa rin? Bakla ka ser, Bakla!"

"Gagu! Kung sino unang tatawagan ko pagkauwi ko ng Baguio."

"Piolo or Sam?"

"Hindi, Amboi or Tikoi?" seryoso kong sagot.

"Duh? Feelingera ka ser. Ganito na lang, sino ba sa kanila ang nagpursiging hanapin ka? Alam naman nilang dalawa ang number at bahay ng mother mo pero sino sa kanila ang nag-atubiling magtanung or maghanap sa'yo?"

"Well, sa tingin ko si..."

"Tama, wala! Masakit 'di ba? Kaya kung ako ikaw, lalapitan ko na 'yung cute na naka-blue shorts na mukhang kanina pa tumitingin dito, and ask him out!" Then nag-ala-Daniella siya at sumigaw ng "Well, GO!"

"Letch ka naman, Yumi!"

No. Hindi ko nilapitan 'yung guy. Hindi ako nagpakahaliparot. May konti pa akong dignidad. I guess.

"Just to be sure ser, ang ibig sabihin ng "Letch" na kanina mo pa sinasabi at ikaw lang ang nakakintindi, ay short for Leche right?"

"Correct!"

Sinabay niya ang pagbatok sa akin habang umiinom ako ng Pepsi.

Lakas ng tawa ni Ayumi.

Then after ko magpunas ng mukha e napansin ko na nakatayo lang pala malapit sa amin at nakaharap yung blue shorts guy.

Shet! Nakita niyang lumobo ang ilong ko!